Капитал Банка АД Скопје има потреба од ангажирање на лице за позицијата  Раководител на експозитура

Локација Куманово

• Работни задачи

• Одговорност за законитоста и ефикасноста на работата на експозитурата, ликвидноста и рентабилноста на експозитурата и реализација на деловната политика и други акти на Банката;
• Изработка на годишни планови за работа, следење на нивната реализација, анализа на работењето на експозитурата и превземање мерки за остварување на планираните задачи;
• Подигање на деловниот имиџ на Банката, презентирање на Банката и нејзините производи и услуги;
• Привлекување на нови клиенти – физички и правни лица;
• Предлагање, конфигурирање и параметризирање на нови продукти и услуги;
• Распоредување на работните обврски во експозитурата и координација на вработените во експозитурата;
• Дневна контрола на депозитарно работење на експозитурата;
• Планирање и управување со депозитарното портфолио во експозитурата;
• Контрола и менаџирање на уплатите, исплатите и доспевањата, предвреме раскинати договори за депозити и депозитни сметки, дневни касови книги, трансакции по обем, откуп/продажба на девизи по обем, сомнителни трансакции и документирана покриеност;
• Заменик на референтот на благајна;
• Останати работни обврски по барање на Раководителот на секторот за работа со физички лица и Управниот одбор.
•  

• Потребни квалификации

Работно искуство: Минимум 4 години

Образование: Минимум ССС

Дополнителни квалификации: Активно познавање на Англиски Јазик и напредно познавање на Office пакет како и лицето да не е осудено за кривични дела.

Доколку сакате да ја креирате иднината на мала и динамична банка, доколку имате желба, знаење и ентузијазам да се приклучите на тимoт Капитал Банка, испратете ја Вашата биографија на следнава електронска адреса: jobs@capitalbank.com.mk.

Задолжително да се наведе за која позиција се аплицира.

Вашето резиме ќе биде внесено во базата на податоци и во случај на потреба од соодветен кадар, Банката врз основа на тековните потреби ќе ве контактира.

Огласот ќе биде активен 10 дена од датумот на објавување. Изборот на кандидатите ќе се врши во рок од 10 дена од истекувањето на огласот, во зависност од бројот на пријавените кандидати. Ќе бидат контактирани само кандидатите со уредни и навремени апликации кои одговараат на условите наведени во огласот.Апликацијата за вработување ќе биде третирана како доверлива. Според Законот за заштита на личните податоци, со самото доставување на Вашата апликација за работа за потребите на Банката, согласен/на си твоите лични податоци да бидат користени во процесот на селекција на кадри. Освен за наведениот случај, Вашите лични податоци нема да бидат користени за ниту една друга цел ниту, пак, достапни на трети лица. Повеќе информации за обработката на Вашите лични податоци ќе најдете во Политиката за приватност.